एमाओवादीमा प्रवेश गर्नेलाई ३ अर्ब !
४
कात्तिक, काठमाण्डौं । चुनावी मैदानमा उत्रिएका धेरै उम्मेदवार खर्च धान्न
नसकेर छटपटाइरहेका बेला एमाओवादीले भने विभिन्न पार्टीका नेता
कार्यकर्तालाई आफूतिर प्रवेश गराउननका लागि मात्रै ३ अर्ब रुपैयाँ
छुट्याएको खुलासा भएको छ । लडाकु शिविरको नौ अर्ब रुपैयाँ र सरकारमा रहेका
बेला जम्मा भएको अर्बौ रुपैयाँबाट एमाओवादीले अन्य पार्टीका लोभीपापीलाई
किनेर भित्र्याउने रणनीति अपनाएको छ । एमालेका तत्कालीन उपाध्यक्ष अशोक राई
लगायतलाई पार्टी छोडाउनका लागि मात्रै तीन करोड खर्च गरेको एमाओवादी
अध्यक्ष प्रचण्डले एमालेकै नेता रामचन्द्र झा, उर्मिला अर्याल र विषमलाल
अधिकारीलाई पार्टी प्रवेश गराउँदा टिकट र पैसा दुवै कबोल गरेको खुलासा भएको
छ ।
एमालेबाट टिकट नपाएपछि एमाओवादीमा प्रवेश
गरेका सिन्धुलीका विषमलाल अधिकारीले पार्टी प्रवेशका लागि आफूले २० लाख
रुपैयाँ पाएको र त्यसबाट केही रकम बाँडौंला भन्दै केही एमाले कार्यकर्तालाई
फकाएपछि यसको खुलासा भएको सोमबार प्रकाशित साँघु साप्ताहिकमा खबर छ ।
ढाँट, छल, आश्वासन र उग्र जातीय नाराहरु
असफल हुँदै गएको र अघिल्लो निर्वाचनमा जितेका सभासदहरु आर्थिक, चारित्रिक र
अन्य काण्डमा लागेर विगि्रएकाले एमाओवादीले यसपटक नयाँ रणनीति अघि सारेको
हो ।
राजनीतिक बिश्लेषकलाई पनि खुराक
एमाओवादीले यसपटक केही राजनीतिक विश्लेषक र
बुद्धिजीवीहरुलाई खर्च दिएर आफ्नो पक्षमा लबिङ गराउने भएको छ । मुलधारका
मिडियामा बिक्ने लेखकहरुका लागि एमाओवादीले खर्चको जोहो गर्ने भएको हो ।
लेखकहरु सिकेलाल, झलक सुवेदी, खगेन्द्र संग्रौलालगायतलाई एमाओवादीले प्रयोग
गर्ने नीति लिएको छ ।
 |
0 comments
Write Down Your Responses