‘म हैन मेरो दात सेक्सी’

सुन्दर नायिका अनु शाह आजसम्म प्रेममा परेकी छैनन रे । उनले भनिन्, ‘आजसम्म सुहाउँदो केटा नै भेटिन ।’ आफ्नो मम्मीको कारणले ग्ल्यामर दुनियाँमा प्रवेश गरेकी यि नायिकालाई समझदार र आफ्नो पेशालाई वुझ्ने केटा चाहिएको छ । बिहे कहिले गर्ने त भन्ने प्रश्नमा अनुले आफ्नो उमेर नभएको बताइन् ।
‘बिहे भनेको समय आएपछि पक्कै पनि हुन्छ तर मेरो प्रेमि पनि छैन र म तयार पनि छैन’, अनुले भनिन् ।अनु शाहको सुन्दरता देखेर धेरैले उनलाई सेक्सी नायिका पनि भन्छन् । तर उनलाई भने यस्तो लाग्दैन । उनी भन्छिन्, ‘म अरुले भने जस्तो सेक्सी नायिका होइन बरु मेरो दात सेक्सी छ ।’ दात किन भन्ने प्रश्नमा उनले, सबैले आफ्नो थोरै बाहिर निस्किएको एउटा दातलाई मन पराएको बताइन् ।
अनुलाई प्रेमका प्रस्ताव भने प्रशस्त आउदो रहेछ । ‘पहिला पहिला चिठ्ठी लेखेर नै आउथ्यो तर अहिले जमाना फेरियो, फेसबुक र मोबाइलमा यस्तो प्रस्ताव आउछ’, उनले भनिन् । रगतले लेखेका चिठी पनि अनुलाई नआएका होइनन् । कसैले आइ लभ यू भन्दा खुशी लाग्ने अनुलाई आई लभ यू टू भन्न भने आउँदैन । यसैले पनि आजसम्म उनले कसैको प्रेम प्रस्ताव स्विकार गरेकी छैनन् ।
‘द युगदेखी युग’सम्म डेब्यू नायिका अनु शाह सिनेमा भन्दा पनि म्यूजिक भिडियोबाट चर्चामा छिन् ।

Labels: bollywood, ग्ल्यामर