विश्व सुन्दरी प्रतियोगितामा इशानीले दिलाईन नेपाललाई पहिलो उपाधि
मिस नेपाल इशानी श्रेष्ठले विश्व सुन्दरी प्रतियोगितामा ‘ब्युटी विथ द प्रपोज च्यालेन्ज’ को उपाधि जितेकी छिन् ।
विश्व सुन्दरी प्रतियोगितामा सहभागि सुन्दरीहरुले गरेको सामाजिनक कामको मुल्यांकन गरेर यो उपाधि दिइन्छ र इशानीले जुम्लामा मुख तथा दाँतको स्वास्थ्य शिविर गर्नका लागि सञ्चालन गरेको प्रोजेक्ट स्माइल सञ्चालन गरेकी थिईन् ।
यो उपाधि जितेपछि विश्व सुन्दरी प्रतियोगिता आयोजकले इशानीले सञ्चालन गरिरहेको प्रोजेक्टका लागि १० हजार अमेरिकी डलर सहयोग गर्ने मिस वल्र्ड डट कमले जनाएको छ । उनले ७० जना प्रतिस्पर्धीलाई पछि पार्दै यो उपाधि जितेकी हुन् ।
यो अवार्ड जितेपछि आफ्नो फेसबुक पेजमा इशानीले नेपालका लागि विश्व सुन्दरी प्रतियोगिताबाट एउटा अवार्ड ल्याउन सफल भएको भन्दै खुसी व्यक्त गरेकी छिन् । यस्तै इशानी मल्डिमिडियातर्फ तेश्रो भइन् ।
विश्व सुन्दरी प्रतियोगिताको फाइनल चरण आइतबार इन्डोनेशियाको बालीमा हुँदै छ । उनी फाइनल चरणमा प्रस्तुति दिनका लागि ११ प्रतिस्पर्धीसँगै छनौट भएकी छिन् । इशानीले फाइनल चरणमा परम्परागत नेपाली नृत्य प्रस्तुत गर्ने छिन् ।
0 comments
Write Down Your Responses