आज मिति २०७० कात्तिक १५ गते शुक्रबार । राजधानीबाट प्रकाशित आजका दैनिक पत्रिकाले दलहरुको चुनाव प्रचार अभियान जारी रहेको र हिंसाका घटना पनि बढ्दै गएको खबरलाई प्राथमिकताका साथ छापेका छन् ।

कान्तिपुर दैनिकले देउवालाई महाकाली मोह बढेको र भट्टराई अखण्ड सुदूरपश्चिम चुनौती रहेको खबरलाई मुख्य बनाएको छ । नागरिक दैनिकले एमाओवादी नै चुनाव भाँड्न सक्रिय रहेको खबरलाई मुख्य बनाएको छ ।

नयाँ पत्रिकाले प्रचण्डले १३ दिनमा २६ जिल्लाका ४४ सभालाई सम्बोधन गरेको खबरलाई मुख्य बनाएको छ भने अन्नपूर्ण पोस्टले अरु नेतालाई स्पष्टिकरण सोधेको र प्रचण्डलाई निर्देशन दिएको खबरलाई मुख्य बनाएको छ ।