९ कात्तिक, नवलपरासी । एकीकृत नेकपा माओवादी नवलपरासी क्षेत्र नं १ का बागी उमेद्वार रामुकान्त अर्याल नेकपा एमालेमा प्रवेश गर्नु भएको छ ।


एमाले उमेद्वार दीपक अधिकारीलाई समर्थन गर्दै अर्याल शनिबार एमालेमा प्रवेश गर्नु भएको हो । एमाले जिल्ला अध्यक्ष तिलक महतले टिका लगाएर अर्याल सहितका एमाओवादी र काँग्रेसका कार्यकर्तालाई एमालेमा स्वागत गर्नु भएको थियो ।


एमाले प्रवेशपछि अर्यालले एमाओवादीका कार्यकर्ता भीरमा भएकाले त्यहाँ अडिन नसकेर एमालेमा प्रवेश गरेको बताउनुभयो ।