अन्तराष्ट्रिय, खेलकुद » मेस्सी स्पेनको अदालतमा हाजिर

बार्सिलोनाका अर्जेन्टिनी स्टार लिओनल मेस्सी कर छलीको आरोपम लागेपछि अदालतमा उपस्थित भएका छन् । २६ वर्षीय मेस्सी र उनका बाबु अदालतमा उपस्थित भएका हुन् । मेस्सी र उनका बाबुमाथि ४ मिलियर युरोभन्दा बढी कर छलेको आरोप लागेको छ । २००७ देखि २००९ सम्म ब्राजिल र उरुग्बेमा मेस्सीको तस्वीर प्रयोग गरे वापत आएको रकम नदेखाएको स्पेनका कर अधिकारीहरुकेा आशंका छन् । मेस्सी र उनका बाबुले भने आरोप अस्वीकार गर्दै आएका छन् । बार्सिलोनाबा मेस्सीले तलबका रुपमा बाषिर्क झण्डै १६ मिलियन युरो लिन्छन् । तर, विभिन्न विज्ञापन र उनको तस्वीर प्रयोगबाट हुने आन्दानीका कारण उनी सर्वाधिक कमाउने खेलाडीहरुको सूचीमा पर्छन् । लगातार चार पटक फिफा प्लेयर अफ दि इयर घोषित मेस्सी १३ वर्षको उमेरदेखि बार्सिलोनामा आवद्ध छन् ।

0 comments

Write Down Your Responses