नेपालगन्ज असोज। इस्लाम धर्मावलम्बीहरुको दोस्रो पर्व इद-उल-अजहा (बकर इद) को अवसरमा बाँकेका चारै निर्वाचन क्षेत्रका उम्मेदवारहरुले नेपालगन्जको विपिचोकस्थित इदगाह मस्जिदमा पुगेर शुभकामना दिंदै भोटसमेत मागेका छन् ।

बुधबार विहानदेखि सुरु बकराइदको सामूहिक नमाज सकिएलगत्तै दलका उम्मेदवारहरु इस्लाम धर्मावलम्बी मतदाताहरुलाई आफ्नो पक्षमा पार्न इदगाह मस्जिद पुगेका थिए ।

काँग्रेसका सभापति तथा बाँके क्षेत्र नं ३ का प्रत्यासी सुशील कोइरालाले मस्जिदमा पुगेर बकरा इदको अवसरमा देशबासी इस्लाम धर्मावलम्बीमा शुभकामना दिंदै सबैको अधिकार सुरक्षित हुने संविधान बनाउन काँग्रेसलाई सहयोग गर्न अपिल गर्नुभयो ।