आज मिति २०७० कात्तिक १० गते आइतबार । राजधानीबाट प्रकाशित आजका दैनिक पत्रिकाले एमाले उम्मेदवार महमुद आलमको हत्या अभियोगमा एमालेकै पूर्व सभासद् पक्राउ परेको खबरलाई प्राथमिकताका साथ छापेका छन् ।

नयाँ पत्रिकाले चुनावले परिवारमा बेमेल ल्याएको खबरलाई मुख्य बनाएको छ भने संघीयता र शासकीय स्वरुपलगायतका मुख्य मुद्धामा ठूला दल दुई ध्रुवमा विभाजित भएको खबरलाई अन्नपूर्ण पोस्टले मुख्य बनाएको छ ।

बैध हतियारले सुरक्षा चुनौती बढेको कान्तिपुरमा मुख्य खबर छ भने नागरिक दैनिकले चुनावी सूचना भित्तेपाटीको भरमा रहेको खबरलाई मुख्य बनाएको छ ।