समाचार » ससुरालाई खुकुरी प्रहार गर्ने बुहारी पक्राउ

२ कात्तिक, खोटाङ । ससुरालाई खुकुरी प्रहार गर्ने यहाँकी एक महिला पक्राउ परेकी छिन् । पाथेका-६ का ८० वषर्ीय बखतबहादुर राईलाई खुकुरी प्रहार गर्ने उनकी ३४ वर्षीया बुहारी अरुणकुमारी राई (रुपा) पक्राउ परेकी हुन् । घरायसी विवादमा ज्यान मार्ने उद्देश्यले बुहारीले खुकुरी प्रहार गरी सख्त घाइते बनाएपछि बुहारी रुपालाई प्रहरीले गिरफ्तार गरेको जिल्ला प्रहरी कार्यालय खोटाङका प्रहरी निरीक्षक दुर्गा रेग्मीले जानकारी दिनुभयो । घरमै बसिरहेका ससुरालाई शुक्रबार बुहारीले खुकुरी प्रहार गर्दा ससुराको टाउकोमा गहिरो चोट लागेको प्रहरीले जनाएको छ । घाइते ससुराको जिल्ला अस्पताल खोटाङमा उपचार भइरहेको पारिवारिक स्रोतले जनाएको छ । रासस

0 comments

Write Down Your Responses