विश्वकपका छानिएको क्रिकेट टोलीलाई मन्त्रिपरिषद् अध्यक्षको बधाइ
१२ मंसिर, काठमाडौं । मन्त्रिपरिषद् अध्यक्ष खिलराज रेग्मीले ट्वान्टी-२० विश्वकप क्रिकेटका लागि छनोट भएकोमा नेपाली राष्ट्रिय क्रिकेट टोलीलाई हार्दिक बधाई दिनुभएको छ ।
नेपाली क्रिकेट टोलीको ऐतिहासिक सफलता
भएको भन्दै उहाँले यस सफलतासँगै नेपाल र नेपाली खेलकुदको प्रतिष्ठा
विश्वसामु थप अभिबृद्धि भएको र समस्त नेपाली खेलप्रेमीहरुको उत्साह र हौसला
पनि बृद्धि भएको बताउनुभएको छ ।
विश्वकप खेलमा छनौट हुने अवस्थासम्म
आइपुग्न नेपाली क्रिकेट टोलीका कप्तान, सदस्यहरु, प्रशिक्षक, समर्थक तथा
क्रिकेटसँग सम्बद्ध सबैले गरेको निरन्तरको प्रयास, लगनशीलता र
आत्मविश्वासको प्रंशसा गर्दै मन्त्रिपरिषद् अध्यक्ष रेग्मीले आगामी दिनमा
लागि नेपाली क्रिकेट टोलीको निरन्तर सफलताको शुभकामना दिनु भएको उहाँका
प्रेस सल्लाहकार विमल गौतमले जानकारी दिनु भएको छ ।
यसैबीच राष्ट्रिय खेलकुद परिषद्ले नेपाली
क्रिकेट टोलीलाई बधाइ दिएको छ । सिमित श्रोत र साधनका बावजुद पनि सिमित
राष्ट्रहरुको मात्र पहँुच रहेको क्रिकेटको विश्वस्तरिय प्रतियोगितामा
प्रवेश गर्नु भनेको खेलाडी, प्रशिक्षक र संघको बहादुरी भएको भन्दै परिषद्ले
उचित पुरस्कारका लागि मन्त्रालयमार्फत सिफारिस गर्ने निर्णय गरेको छ ।
0 comments
Write Down Your Responses