आज मिति २०७० मंसिर १३ गते बिहीबार । राजधानीबाट प्रकाशित आजका दैनिक पत्रिकाले नेपालले सानदार जित दर्ता गर्दै विश्वकप क्रिकेट खेल्ने मौका पाएको खबरलाई प्राथमिकताका साथ छापेका छन् । नेतृत्व लिन कांग्रेस अग्रसर भएको अन्नपूर्ण पोस्टमा मुख्य खबर छ भने कांग्रेस संविधान संशोधनको विपक्षमा रहेको खबरलाई कान्तिपुरले मुख्य खबर बनाएको छ । नयाँ पत्रिकाले राष्ट्रपतिसहित पावर सेयरिङको पक्षमा एमाले रहेको खबरलाई प्राथमिकताका साथ छापेको छ भने नेपाली क्रिकेट टोलीका पूर्व कप्तान विनोद दासले आफ्नो सपना पूरा भयो भनेर दिएको अभिव्यक्तिलाई नागरिक दैनिकले मूख्य खबर बनाएको छ ।