आज मिति २०७० कात्तिक २४ गते आइतबार । राजधानीबाट प्रकाशित आजका दैनिक पत्रिकाले ३३ दललाई बन्द हड्तालका कार्यक्रम फिर्ता लिन गरेको आग्रह र आग्रह अस्वीकार गरेर गरिएको बन्द तुहाउने सरकारी भनाईको खबरलाई प्राथमिकताका साथ छापेका छन् । कांग्रेस, एमाले र एमाओवादीले बनाएको चुनावी रणनीतिको खबर कान्तिपुरले मुख्य रुपमा छापेको छ भने एमाओवादीले लुकाएका हतियार सेनालाई बुझाएको खबरलाई अन्नपूर्ण पोस्टले मुख्य रुपमा छापेको छ । साउदीमा ५० हजार अवैध कामदार पक्राउ परेको खबर नागरिक दैनिकले मुख्य रुपमा छापेको छ भने नयाँ पत्रिकाले एमाले र कांग्रेस रक्षात्मक स्थितिमा रहेको खबरलाई मुख्य बनाएको छ :