समाचार » दोलखामा बस दुर्घटना, १० को मृत्यु

२५ असोज, दोलखा । दोलखाको लाकुरीडाँडा-८ हलहलेमा शुक्रबार दिउँसो भएको बस दुर्घटनामा १० जनाको मृत्यु भएको छ । २६ जना घाइते भएका छन् । दोलखा भिमेश्वरको दर्शनका लागि काभ्रेको बनेपाबाट गएको बा २ ख ९२०० नम्बरको बस दुर्घटनामा भएको हो । ९ जनाको घटनास्थलमै र एक जनाको उपचारका क्रममा मृत्यु भएको इलाका प्रहरी कार्यालय खरिढंगाले जनाएको छ । मृतकको सनाखत हुन सकेको छैन । मृतकहरु दोलखाको भएको प्रहरीले जनाएको छ । उनीहरुले काठमाडौं बनेपा रुटमा चढ्ने बस रिजर्भ गरेर लगेका थिए । दुर्घटनामा घाइते भएका २२ जनालाई उपचारका लागि सदरमुकाम चरिकोट ल्याइएको छ । उनीहरुको छो-रोल्पा र चरिकोट अस्पतालमा उपचार भइरहेको छ । घाइते मध्ये केहीको अवस्था गम्भीर रहेको प्रहरीले जनाएको छ ।

0 comments

Write Down Your Responses