आकर्षक जिउडालकी धनी छिन्, रञ्जिता लिम्बू। यसअघि राजेश पायल राईलगायत अन्य चर्चित गायक–गायिकाका म्युजिक भिडियोमा कम्मर मर्काउँदै आएकी रञ्जिता अहिले भने फिचर फिल्ममा व्यस्त छिन्। पछिल्लो समय नेपाली फिल्म 'बिग बोस' मा मुख्य भूमिकामा अनुबन्ध भएकी रञ्जिता फिल्ममा कमाल गर्ने दाबी गर्छिन्। यस फिल्ममा उनको ग्ल्यामरस लुक्स मात्रै होइन, खतरनाक स्टन्ट पनि देखाउने दाबी गरेको छ निर्माण पक्षले।

उनले पनि आफ्नो सेक्सी ज्यान हेरेर मोहित हुने दर्शकलाई एक्सनका दृश्यले रोमाञ्चित बनाउने कुरा गरेकी छिन्। फिल्म बन्नुअघि यस्तो गफ गर्नु सामान्य मानिन्छ। उनले फिल्मकै लागि भनेर मार्सल आटर््स प्रशिक्षण पनि लिएकी छिन्। 'बिग बोस'मा काम गर्दागर्दै अर्को फिल्म 'भर्जिन'मा अनुबन्ध भएकी रञ्जिता राम्रो भूमिका छ भने जुनसुकै चरित्र निर्वाह गर्न आपत्ति नभएको धारणा राख्छिन्।