समाचार » लोकमानसिंहले प्रहरीबाट खुट्टा धुवाए

१ कातिक, काठमाडौ । अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीले आफ्नो खुट्टा प्रहरीलाई धुन लगाएका छन् । सुरक्षासहित गोरखा जिल्लाको गोरखा दरबार हातामा रहेको गोरखकाली मन्दिर दर्शन गर्न जाने क्रममा अख्तियार प्रमुख कार्कीले मन्दिरको ढोकामा प्रहरीलाई खुट्टा धुन लगाउादै गरेको तस्वीर आजको कान्तिपुर दैनिकले प्रकाशित गरेको छ । दसैंको अष्टमीका दिन अघिपछि सुरक्षाकर्मी लिएर गोरखा पुगेका कार्कीले खुट्टा धोइदिने प्रहरीको ढाडमा समातेर उभिएका थिए । प्रहरी नायव महानिरिक्षक वीरेन्द्रबाबु श्रेष्ठसँगै गोरखा पुगेका कार्कीलाई त्यहाँका प्रमुख जिल्ला अधिकारी र प्रहरी प्रमुखले स्वागत गरेर गोरखा दरबार पुर्‍याएका थिए । मन्दिर दर्शन जाने क्रममा जुत्ता खोलेपछि कार्कीले उनकै सुरक्षाका लागि खटिएका एक प्रहरीबाट खुट्टा धुन लगाउादै गरेको तस्वीरसँगै कान्तिपुरले प्रकाशित गरेको क्याप्सन विवरणमा लेखिएको छ । भिडियोको लागी यहाँ क्लिक गर्नुहोला

0 comments

Write Down Your Responses